Battle for Wesnoth User's Manual

No mundo de Wesnoth moran humanos, elfos, ananos, orcos, draconiáns, saurios, sirénidos, nagas, e moitas outras razas ainda máis escuras e descoñecidas. Nas terras malditas camiñan non mortos, fantasmas e espectros. Cada unha adaptouse a terreos particulares. Os humanos habitan principalmente nos prados mornos. Nos outeiros, montañas e covas baixo a terra sobre todo os orcos e os ananos. Nos bosques os elfos son superiores. Nos oceános e nos ríos dominan os sirénidos e mailos nagas.

Para os propósitos do xogo, as razas agrúpanse en faccións; por exemplo, os orcos a miúdo cooperan cos trolls, e os elfos e mailos ananos cos humanos. Algunhas outras faccións reflexan divisións na sociedade dos humanos — leais contra proscritos, por exemplo. Na maioría das campañas, ti controlas unidades dunha soa facción. Pero algunhas veces as faccións fan alianzas con outras, así que pode que te enfrontes a máis dunha facción nun escenario.

As campañas son secuencias de batallas cunha historia que as conecta. As campañas típicas teñen arredor de 10-20 escenarios. A vantaxe principal das campañas é que che permiten desenvolver un exército. A medida que completas cada escenario, as unidades que sobreviven ó final gárdanse para que as uses no seguinte escenario. Se elixes non usar unha unidade durante un escenario consérvase para o seguinte, de xeito que non perdes as unidades que non usas.

A campaña é a principal forma de xogo para a que se pensou Wesnoth, e é probable que sexa a máis divertida, e é a forma recomendada para que os novos xogadores aprendan a xogar.

Completar un escenario único leva dende 30 minutos a 2 horas. Esta é a forma máis rápida de xogar, pero as túas unidades non se gardan e non podes usar as unidades das campañas. Podes xogar escenarios contra o ordenador ou contra outros xogadores xa sexa por internet ou no teu ordenador. Ós escenarios accédese a través do botón "Multixogador" do menú principal.

Normalmente as partidas multixogador xóganse contra outros xogadores a través da Internet (tamén poderás xogalas na túa LAN se tes unha). Todas estas partidas coordínanse a través do servidor multixogador de Wesnoth. As partidas multixogador poden levar de 1 hora a 10 horas, dependendo de cantos xogadores haxa (e do tamaño do mapa). O tempo medio está entre 3 e 7 horas. As partidas poden gardarse e cargarse tantas veces como se queira. Así que, é posible que algunhas partidas duren 1 ou 2 semanas, ainda que o tempo de xogo sexa só dunhas poucas horas. Non se poden conservar unidades de multixogador dun escenario para o seguinte, así que o teu exército só servirá para ese escenario.

Cando premes no botón "Multixogador" proporciónanseche varias opcións:

Independentemente de se estás xogando un escenario ou unha campaña, a disposición básica da pantalla de xogo é a mesma. A maior parte da pantalla está ocupada por un mapa que amosa tódalas accións que teñen lugar no xogo. Arredor do mapa están varios elementos que proporcionan información útil sobre o xogo e están descritos con máis detalle embaixo.

Na cima da pantalla de esquerda a dereita están os seguintes elementos:

Á dereita da pantalla de arriba a abaixo están:

Cando comezas un escenario ou unha campaña por primeira vez só terás unhas poucas unidades no mapa. Unha delas será o teu comandante (identificado por unha pequena icona con forma de coroa dourada). O teu comandante está situado normalmente dentro dun castelo nun hexágono especial chamado torre. Cando o teu comandante estea nunha torre (non só na túa, senón tamén na torre de calquera dos castelos inimigos que captures) e teñas ouro dabondo, poderás recrutar unidades para o teu exército. En escenarios posteriores poderás reincorporar unidades con experiencia que sobreviviron ós escenarios anteriores. Así poderás comezar a construir o teu exército para conquistar ó inimigo.

A primeira cousa que probablemente queiras facer é recrutar unha unidade. Preme Ctrl-R (ou co botón dereito nun hexágono baleiro do castelo e selecciona "Recrutar") e poderás recrutar unha unidade da lista de tódalas unidades dispoñibles para recrutar que se che mostrará. Cada unidade recrutada porase nun hexágono baleiro do castelo. Unha vez que o castelo estea cheo, non poderás recrutar máis unidades ata que as movas fóra do castelo. O comandante do opoñente está situado de xeito similar na torre do seu castelo e comezará a recrutar as súas tropas — polo que non perda-lo tempo mirando o escenario, hai unha batalla que gañar.

Ó final de cada escenario rematado con éxito, as tropas que che quedan gárdanse automaticamente. Ó comezo do seguinte escenario podes reincorporalas dun xeito semellante ó de recrutar. As tropas reincorporadas teñen a miúdo máis experiencia que as recrutadas e normalmente son unha escolla mellor.

Tódolos tipos de partida usan os mesmos soldados, chamados unidades. Cada unidade identifícase pola Raza, o Nivel, e a Clase. Cada unidade ten fortalezas e debilidades, baseadas na súa Resistencia, o Terreo actual, e o seu Nivel. Os detalles completos están na axuda do xogo.

A medida que as túas tropas obteñan experiencia na batalla, aprenderán máis habilidades e faranse máis fortes. Tamén morrerán na batalla, así que necesitarás recrutar e reincorporar máis cando isto ocorra. Pero escolle con cabeza, porque cada un ten fortalezas e debilidades que un opoñente intelixente pronto aproveitará.

Presta atención á ventá de Obxectivos ó comezo de cada escenario. Normalmente conseguirás a victoria matando a tódolos líderes inimigos, e só serás derrotado se matan ó teu líder. Pero os escenarios poden ter outros obxectivos para a victoria - levar ó teu líder a un punto designado, por exemplo, ou rescatar a alguén, ou resolver un problema, ou resistir un asedio ata que pasen un certo número de turnos.

Cando gañas un escenario, o mapa porase griseiro e o botón Rematar turno cambiará a Rematar escenario. Entón poderás facer cousas coma cambiar as opcións para gardar ou (se estás nunha partida multixogador) conversar con outros xogadores antes de premer nese botón para avanzar.

O teu exército non loita de balde. Cústache cartos recrutar unidades e cústache cartos mantelas. Comezas cada escenario con cartos acumulados de escenarios anteriores (ainda que cada escenario se asegura de que polo menos tes unha cantidade de ouro mínima para comezar se non acumulaches ouro dabondo de escenarios anteriores) e podes obter máis cumprindo os obxectivos do escenario rápido e, durante un escenario, controlando as vilas. Cada vila que controles proporcionarache uns ingresos de dúas pezas de ouro por turno. Cando comezas un escenario por primeira vez normalmente é aconsellable conseguir o control de tantas vilas como poidas para asegurarte de que teñas ingresos dabondo para facer a guerra. Podes ver o teu ouro actual e os teus ingresos actuais na cima da pantalla como se describe na sección sobre a pantalla de xogo.

At the start of each scenario, your game state is normally saved. If you are defeated, you may load it and try again. Once you have succeeded, you will again be asked to save the next scenario and play that. If you have to stop playing during a scenario, you can save your turn and load it again later. Just remember, a good Battle for Wesnoth player never needs to save during a scenario. However, most beginners tend to do so rather often.

O principal uso do ouro é reunir o teu exército recrutando novas unidades ou reincorporando unidades de escenarios anteriores dunha campaña. As unidades pódense recrutar ou reincorporar cando o líder está nunha torre dun castelo que teña polo menos un hexágono de castelo baleiro.

Cada unidade ten tamén un custo de mantemento. O custo de mantemento normalmente é igual ó nivel da unidade, a non ser que a unidade teña o trazo "Leal" (consulte embaixo). As unidades que non se recrutan inicialmente - p.ex. o líder ou aqueles que se unen voluntariamente - normalmente teñen o trazo Leal. O mantemento só se paga se o mantemento total das unidades dun bando é maior có número de vilas que controla ese bando. O mantemento pagado é a diferencia entre o número de vilas e o custo de mantemento.

Así que, a fórmula para determinar os ingresos por turno é

2 + villages - maximum(0, upkeep - villages)

onde o mantemento é igual á suma de tódolos niveis de tódalas túas unidades non leais.

Se o custo de mantemento é maior có número de vilas+2 entón o bando comeza a perder ouro, se é igual, non se gañan nin se perden ingresos.

Cada unidade ten unha aliñación: leal, neutral, ou caótica. A aliñación afecta a como as unidades se comportan a diferentes horas do día. Ás unidades neutrais non lles afecta a hora do día. As unidades leais inflixen máis dano durante o día e menos pola noite. As unidades caóticas inflixen máis dano pola noite e menos durante o día.

As fases "día" e "noite" diferencianse coma Mañá, Tarde e Primeira Garda, Segunda Garda, polas posicións do sol e da lúa na hora da imaxe do día.

A seguinte táboa amosa os efectos das diferentes horas do día no dano inflixido por unidades leais e caóticas:

Table 2.2. Hora do día e dano

Turno	Imaxe	Hora do día	Leal	Caótico
1		Amencer	—	—
2		Día (Mañá)	+25%	-25%
3		Día (tarde)	+25%	-25%
4		Anoitecer	—	—
5		Noite (primeira garda)	-25%	+25%
6		Noite (segunda garda)	-25%	+25%
Especial		Baixo a terra	-25%	+25%

Ten en conta que algúns escenarios teñen lugar baixo terra, onde é de noite continuamente!

Por exemplo: considera unha loita entre unha unidade Leal e unha unidade Caótica tendo as dúas unidades un dano base de 12. Ó amencer e ó anoitecer, ámbalas dúas unidades inflixirán 12 puntos de dano cando acaden ó inimigo. Durante a Mañá e maila Tarde, a unidade Leal inflixirá (12 * 1.25) ou 15 puntos, mentres que a unidade Caótica inflixirá (12 * 0.75) ou 9 puntos. Durante a Primeira e maila Segunda Garda, a unidade Leal inflixirá 9 puntos mentres que a unidade Caótica inflixirá 15.

Se unha unidade Neutral equivalente estivera loitando, sempre inflixiría 12 puntos de dano independentemente da hora.

As unidades teñen trazos que reflexan aspectos do seu caracter. Os trazos asígnanse aleatoriamente ás unidades cando se crean. A maioría das unidades recibe dous trazos.

Os posibles trazos para a maioría das unidades son os seguintes:

Tamén algúns trazos que se só asignan a certas unidades ou só a unidades dunha certa raza. Estes son:

Tamén hai algúns trazos que non se asignan aleatoriamente. Estes trazos poden incluso ser asignados polo deseñador do escenario ou ser sempre asignados en base ó tipo de unidade:

Certas unidades teñen ataques especiais. Estes lístanse embaixo:

Algunhas unidades teñen habilidades que ou afectan directamente a outras unidades, ou teñen un efecto en como a unidade interactúa con outras unidades. Estas habilidades lístanse embaixo:

As unidades son premiadas con experiencia por loitar. Despois de obter experiencia dabondo, avanzarán un nivel e converteranse en máis poderosas. A cantidade de experiencia obtida depende do nivel da unidade e do resultado da batalla: se unha unidade mata ó seu opoñente, recibe 8 puntos de experiencia por nivel do inimigo (4 se o inimigo é de nivel 0), mentres que as unidades que sobreviven á batalla sen matar ós seus opoñentes son premiados con 1 punto de experiencia por nivel do inimigo. Noutras palabras:

Despois de completar un escenario, tódalas unidades que sobreviviron estarán dispoñibles para reincorporalas no seguinte escenario. Non podes mover ou atacar cunha unidade no turno no que se recrutou ou reincorporou. Unha unidade reincorporada retén o seu Nivel anterior, os seus Puntos de Experiencia, e algunhas veces, calquera elemento máxico que conseguira e aparecerá no novo escenario con tódolos seus puntos de vida (HP).

A Zona de Control dunha unidade esténdese ós seis hexágonos inmediatamente adxacentes á unidade, e as unidades que se moven á zona de control dun inimigo están forzadas a deterse. As unidades ca habilidade guerrilla ignoran as zonas de control do inimigo e son capaces de moverse entre eles libremente sen ser forzados a deterse. As unidades de nivel 0 son consideradas demasiado febles para xerar unha zona de control e tódalas unidades son capaces de moverse libremente a través dos hexágonos que rodean a un inimigo de nivel 0.

Na cima da barra de enerxía que se amosa preto de cada unidade túa hai unha esfera. Esta esfera é:

Table 2.4. Esferas

Orb	Imaxe	Description
Green		If you control the unit and it hasn't moved this turn
Yellow		If you control the unit and it has moved this turn, but could still move further or attack
Red		If you control the unit, but it has used all its movement this turn
Blue		If the unit is an ally you do not control
-		Enemy units have no orb on the top of their energy bar

Debaixo de cada unidade normalmente haberá unha base ou elipse de cor. A cor identifica ó seu equipo; nunha partida de campaña, a cor do xogador humano é a vermella. A cor do equipo tamén se mostrará en partes da vestimenta da unidade, ou posiblemente na insignia dun escudo.

Normalmente a elipse será un disco sólido. Nas unidades de nivel 0, verás unha elipse que ten liñas descontinuas. Isto indica que a unidade non ten Zona de Control.

Algunhas campañas usan unha base en forma de estrela para indicar os líderes e mailos heroes (unidades que son especiais por algunha razón e que por exemplo non poden morrer durante un escenario); outras usan unha coroa prateada enriba da barra de enerxía para marcar ós heroes. Ainda que outras non teñen un indicador específico para os heroes. O que se usa (se se usa algo) é unha elección de estilo que se deixa ós deseñadores das campañas.

Cada unidade é máis ou menos vulnerable ós diferentes tipos de ataque. Hai 6 cifras na descrición da unidade que amosan a fortaleza ou a debilidade da unidade contra os 6 tipos de ataque. Unha cifra de resistencia positiva indica que a unidade sufrirá menos danos por ese tipo de ataque. Unha cifra de resistencia negativa indica que a unidade é especialmente vulnerable a ese tipo de ataque.

Exemplos: as escamas dos Draconiáns protéxenos da maior parte dos tipos de ataque agás de armas de perforación e de frío. As unidades de Cabalería humana xeralmente están ben protexidas menos contra os ataques de perforación os cales son o seu punto débil. Os Non Mortos son moi resistentes ás armas de folla e de perforación pero moi vulnerables ós ataques de impacto e arcanos.

Usar o mellor tipo de ataque contra as unidades inimigas incrementará substancialmente as posibilidades de matalas.

Os Trolls e mailos Woses teñen a habilidade de sandarse eles mesmos de forma natural a través da rexeneración. Sandarán 8 puntos cada turno se están feridos. Ten en conta que debido a que tódalas unidades poden só sandar un máximo de 8 puntos por turno, os Trolls e os Woses non obteñen beneficios adicionais por estar nunha vila ou preto dunha unidade sandadora.

Some attacks can inflict poison damage on your unit. When this happens the poisoned unit will take 8 damage each turn until it is cured. Poison can be cured by waiting on a village or being next to a unit with the cures ability. Units with the heals ability can only prevent the poison from causing damage that turn, not cure it. When poison is cured the unit does not gain or lose hitpoints on that turn due to healing/poisoning. A unit can not be healed normally until it is cured of poisoning. Resting is still allowed, although it will not substantially diminish the poison's effect.

Algúns outros consellos sobre a sandación:

Non envíes ás unidades feridas a unha morte segura. Unha vez que unha unidade perde máis da metade (HP), deberías considerar seriamente retirala á seguridade e situala nunha vila para sandala ou enviala ós coidados dun sandador (coma os Elfos Xamáns ou os Magos Brancos). Os sandadores son moi útiles!

Isto é por razóns prácticas: unha unidade moi danada non pode reter nin matar ó inimigo. Durante o ataque e o contraataque, a maioría das veces morrerán. Ainda máis, enviándoas a unha morte segura, os puntos de experiencia (XP) conseguidos perderanse. Recrutar un substituto pode ser imposible porque o líder non está na súa torre ou porque non hai cartos dabondo. Incluso se podes recrutar un substituto, a maioría das veces está moi lonxe da fronte de batalla. Así que non tires ó lixo as túas unidades.

Como protexes ás unidades feridas? Están mellor protexidas estando fóra do alcance do adversario. Ningún inimigo pode atacalas se os inimigos non poden chegar xunta elas. A seguinte sección sobre a zona de control (ZdC) mostra como restrinxir os movementos do inimigo.

No menú Acción, podes seleccionar "Amosar os Movementos do Inimigo" para resaltar tódolos hexágonos ós que o teu adversario se pode mover. Isto ten en conta a túa zona de control. Polo tanto podes comprobar que a túa unidade próxima á morte, que está detrás, en realidade non pode ser atacada ata que o inimigo non se mova xunta ela.

Cando os exércitos se atopan, podes querer intentar ser o primeiro en atacar. Así que intenta rematar o teu movemento fóra do rango de ataque do exército inimigo. El non poderá atacar pero é probable que se achegue ó teu rango de ataque.

Cada unidade de nivel 1 ou superior mantén unha zona de control (ZdC) que cubre os 6 hexágonos adxacentes a ela. Isto significa que unha vez que un inimigo se move dentro dun dos seis hexágonos adxacentes, fórzaselle a deterse e os seus movementos acábanse (só os inimigos ca rara habilidade guerrilla ignoran as ZdC).

Por mor da ZdC, un inimigo pode que non consiga infiltrarse entre dúas unidades que están aliñadas nunha liña norte-sur ou diagonal e teñan exactamente 1 ou 2 hexágonos entre elas. Combinando estas parellas nunha longa muralla ou usándoas en diferentes direccións, podes evitar que o inimigo acade a unha unidade ferida que estea detrás. O inimigo ten que derrotar primeiro ás unidades que impoñen a súa ZdC. Se o inimigo apenas pode chegar a ela, incluso unha soa unidade podería protexer unha pequena rexión detrás dela.

Aliñando varias unidades unha xunta outra ou con como moito cun espazo de 1 hexágono entre elas, poderás construir unha poderosa liña defensiva. Ten en conta que, debido a que Wesnoth usa hexágonos, unha "liña" leste-oeste non é unha liña recta senón un zigzag. A liña norte-sur e as diagonais son liñas rectas "de verdade".

Vindo dende un lado, o inimigo pode atacar calquera unidade da túa liña con só 2 das súas unidades ó mesmo tempo. Como regra básica, unha unidade sá sen debilidades particulares poden resistir un ataque de dúas unidades normais do inimigo do mesmo nivel ou menor sen que a maten.

Desafortunadamente, a túa liña a miúdo ten que dobrarse para formar unha cuña ou adaptarse ó terreo. Nestes puntos esquina, poden atacar 3 unidades inimigas. Isto tamén sucede ó final dunha liña se a liña é moi curta. Usa unidades con moitos puntos de vida no terreo axeitado ou con resistencias axeitadas para manter estes puntos débiles. Estes son os que teñen máis probabilidades de ser matados, así que usa unidades con poucos puntos de experiencia (XP) ou sen eles para este propósito.

Aliñar ás túas tropas tamén evita que o inimigo rodee a algunha delas. Por razóns de ZdC, unha unidade cun inimigo detrás e outro diante está atrapada.

Cando unha unidade da liña de fronte está moi danada podes movela á seguridade detrás da túa liña defensiva. Para manter a liña, terás que substituir esa unidade por un reserva, así que mantén unha parella de unidades detrás da fronte de liña. Se tes sandadores, as unidades danadas da segunda liña hanse recuperar pronto.

Ten en conta que as túas unidades poden pasar a través dos hexágonos nos que están as túas propias tropas.

Intenta posicionar ás túas tropas de xeito que cando estean atacando dende un hexágono con defensa alta a un inimigo nun hexágono con defensa baixa. Desta forma, os contraataques do inimigo inflixirán menos dano.

Por exemplo, poderías situar ós teus elfos xusto dentro da beira dun bosque de forma que os orcos atacantes deban estar nos prados mentres os teus elfos gozan das defensas altas do bosque.

Avanzar e atacar é dende logo a parte máis interesante do camiño cara a victoria. Matar ou debilitar ós inimigos que estean no teu camiño e mover a túa liña defensiva cara adiante. Isto pode chegar a ser difícil a medida que o inimigo contraataca no seu turno.

A miúdo, enviarás varias unidades contra unha soa unidade inimiga para rematar con ela, pero estes estaban formando a túa liña defensiva que agora está parcialmente rota. Pode ser que isto che preocupe porque estás fóra do alcance da unidade inimiga máis próxima. Pode ser que o faga porque ti só pretendes debilitar un inimigo moi forte e o seguinte turno, el vai contraatacar. Quizais un Home a Cabalo poida inflixir o golpe mortal.

Golpear primeiro é unha vantaxe porque che permite elixir a que unidades te vas enfrontar. Usa as debilidades do inimigo: por exemplo dirixindo os teus ataques a distancia contra inimigos sen armas de ataque a distancia. Aprovéitate de debilidades coma a vulnerabilidade das unidades a cabalo contra a perforación. Pero lembra que contraatacarán no seu turno, así que poderías ter debilidades que o inimigo poida aproveitar.

Por exemplo, os Homes a Cabalo poden manter unha liña fronte ós Orcos Roñóns e os Trolls Cachorros moi ben porque teñen algunhas resistencias contra os ataques de folla e de impacto. Pero os teus Homes a Cabalo poden caer rápido fronte ós Orcos Arqueiros e ós Trasnos Lanceiros.

Normalmente paga a pena se podes matar definitivamente (ou case matar) á unidade á que te enfrontas. Se non estás seguro de acabar co inimigo nun turno, asegúrate de que a túa unidade pode soportar os contraataques ou decide que estás preparado para perder esa unidade. Para resistir os golpes do inimigo no seguinte turno, a miúdo é intelixente atacar da forma que lle permite ó inimigo inflixirche menos dano, en troques de escoller o máximo dano agardado para o inimigo.

En particular, usa as túas armas a distancia se o inimigo non ten ataque a distancia. A elección por defecto do ordenador só ten en conta a opción ca que inflixes máis dano, así que se a usas as túas unidades terminarán recibindo máis dano do necesario.

Lembra que as unidades Leais coma os humanos loitan mellor polo día e as unidades Caóticas coma os orcos ou os non mortos loitan mellor pola noite. O ideal é que te enfrontes ó inimigo por primeira vez cando eres forte e/ou el é débil. Cando é o momento no que o inimigo é forte, a miúdo convén reforzar as túas liñas e manter unha posición defensiva favorable. Cando está a piques de chegar o seu momento débil, a túa fronte avanzará cara el.

Por exemplo, os elfos poderían resistir nun bosque durante un ataque nocturno de orcos e avanzar ó amencer. Ata poderías ter en conta que a IA do ordenador retira ós seus orcos durante o día.

Durante o curso da campaña, é moi importante que reunas unhas forzas con experiencia. En escenarios posteriores suporase que tes unidades de niveis 2 e 3 dispoñibles para reincorporar.

As túas unidades obteñen a maioría dos seus puntos de experiencia (XP) matando unha unidade inimiga (8 XP por cada nivel da unidade matada). Así é que a miúdo ten sentido facer que as túas unidades de nivel máis alto debiliten a un inimigo, pero cederlle a morte a unha unidade que precise máis XP. Os sandadores en particular son a miúdo máis débiles no combate e a miúdo precisan roubar mortes deste xeito para avanzar niveis.

Ó principio (cando probablemente non teñas unidades de nivel alto), intenta darlle a maioría das mortes a un pequeno grupo das túas unidades. Isto fará que se convertan rapidamente en unidades de Nivel 2, e entón poderán coidar das outras.

Non descoides que o teu líder consiga experiencia. Tes que mantelo a salvo, pero se evita demasiado a batalla terá un nivel moi baixo para sobrevivir a futuros escenarios.

Unha parte importante do éxito en Battle for Wesnoth é manter ás túas unidades sás. Cando ás túas unidades lles inflixen dano podes sandalas movéndoas a vilas ou poñéndoas preto de unidades sandadoras especiais (p.ex. o Elfo Xamán e o Mago Branco). Algunhas outras unidades que atopes, coma os Trolls, poden ter a habilidade de sandarse elas mesmas de forma natural.